Luis Suarez Hakuwa Chaguo la Kwanza la Usajili Barca – Kiongozi wa Barca afunguka

Mkurugenzi wa michezo wa zamani wa Barcelona  Andoni Zubizarreta amefunguka na kusema klabu yake iliamua kumsajili Luis Suarez kwa sababu chaguo lao la kwanza la mchezaji waliyemhitaji hakuwa anauzwa.Inaweza kushangaza wengi ila ndio ukweli, Luis Suarez hakuwa chaguo la kwanza katika usajili wa Barcelona – mshambuliaji wa Manchester City Sergio Aguero ndio lilikuwa chaguo la kwanza kwa Barca katika mpango wao wa kupata safu ya ushambuliaji itakayokuwa na makali kama wapinzani wao Real Madrid

Zubizarreta ameeleza kwamba Barca ilimhitaji Aguero aungane na Lionel Messi na Neymar kuunda safu ya ushambuliaji itakayoendana na kasi ya BBC ya Real Madrid.

Alisema: “Tulikuwa na machaguo machache, Chaguo etu la kwanza halikuwa Suarez – yeye mwenye anajua hili.

“Tulijaribu kumsaini Aguero lakini ikashindikana, na mpaka kufikia hapo hatokuwa na uamuzi mwingine wa kufanya zaidi ya kumsajili Suarez.”

Zubizarreta pia anasema suala la Suarez kufungiwa kwa kumng’ata beki wa Italia Giorgio Chiellini liliwapa nafasi zaidi wao kwa sababu timu nyingine ziliamua kuachana na mipango yao ya kumtaka mchezaji huyo.

Aliongeza: “Wakati tupo kwenye majadiliano na Liverpool, ikatokea ile issue ya Suarez na Chiellini.

“Suala hili lileta mashaka makubwa kwenye vichwa vya viongozi wa timu nyingine waliokuwa wakimtaka Suarez.

“Tabia yake ilikuwa kwenye mjadala mkubwa na hakuna aliyekuwa anajua atafungiwa kwa muda gani. Muda huo huo ndipo nafasi ya kumsajili ikawa kubwa na tukakamilisha kila kitu